Smart Learning at UNITY

တိုင်းရင်းသားပေါင်းစုံ မှီတင်းနေထိုင်ကြသော မြန်မာနိုင်ငံအတွင်းမှ မတူကွဲပြားသော နောက်ခံရှိကြသည့် ကျောင်းသား/သူများ ချစ်ကြည်ရင်းနှီးစွာ အတူတကွ ပညာသင်ကြားရာ UNITY ကျောင်းတော်ကြီး ဖြစ်ပါသည်။ ထူးချွန်ထက်မြတ်၍ လိမ္မာယဉ်ကျေးသော ကျောင်းသား/သူများ လေ့လာဆည်းပူးရာ နေရာလည်းဖြစ်သည်။ ဘာသာရပ်ဆိုင်ရာ ကျွမ်းကျင်သည့် သင်ကြားရေး ဆရာ/မများဖြင့် ဖွဲ့စည်းထားသော ပညာရေးအဖွဲ့အစည်း ဖြစ်ပါသည်။ UNITY ကျောင်းမှ ဆရာ/မများသည် ကျောင်းသား/သူများကို ချစ်ခြင်းမေတ္တာနှင့် ပျော်ရွှင်ခြင်းများ ရရှိရန် အမြဲဦးစားပေးပါသည်။ ကလေးတစ်ယောက်သည် မိဘ၊ ဆရာတို့၏ ချစ်ခြင်း မေတ္တာများ အပြည့် အဝ ရရှိနေလျှင်၊ ပျော်ရွှင်ခြင်းများ သူ၏သန္ဌာန်မှာ ဖြစ်တည်နေပါမည်။ ပျော်ရွှင်နေသော ကလေးတစ်ယောက်တွင် တတ်မြောက်ခြင်း၊ ထူးချွန်ခြင်း၊ အောင်မြင်ခြင်း၊ အများအကျိုး ဆောင်ရွက်နိုင်ခြင်း၊ မိမိပတ်ဝန်းကျင်ကို ကောင်းကျိုးပြုခြင်းများ ထာဝရ ပိုင်ဆိုင်နိုင်မှာ ဖြစ်ပါသည်။ ကလေးငယ်၏ ဘဝရပ်တည်မှုအတွက် ခိုင်မာသော အခြေခံပညာများရရှိရန် နှင့် လောကအကျိုးကို ထမ်းရွက်သယ်ပိုးလိုသော နှလုံးလှလူသားများ ဖြစ်လာစေရန် အစဉ်အမြဲကြိုးစားပေးလျှက်ရှိပါသည်။ ဘာသာရပ်များတွင် နားလည်တတ်ကျွမ်းစေရန်နှင့် ကိုယ်ရည်ကိုယ်သွေး မြင့်မားလာစေရန် စွမ်းဆောင်ပေးလျှက်ရှိသော UNITY ကျောင်းတော်ကြီးသည် စတင်တည်ထောင်သည့် ကာလမှ နှစ်ပေါင်း(၂၀)ကျော်အတွင်း လူရည်ချွန်များစွာမွေးထုတ် ပေးနိုင်ခဲ့သည်။ ဘာသာစုံဂုဏ်ထူးရှင်များစွာ ထွက်ပေါ်ခဲ့ သည်။ မြို့နယ်၊ ခရိုင်၊ တိုင်း ဆုများစွာ ရရှိခဲ့ပါသည်။